ABŞ Konqresinin Türkiyəyə 40 yeni və 79 təkmilləşdirilmiş F-16 təyyarəsinin satışına razılıq verməsi irəliyə doğru atılmış mühüm addımdır. Bu barədə ABŞ-ın Ankaradakı səfiri Ceff Fleyk X sosial şəbəkəsində yazıb. Məlumatı “Anadolu” verib.
“Konqresin bu həftə Türkiyənin 40 yeni və 79 təkmilləşdirilmiş F-16 təyyarəsi almasına razılıq verməsi irəliyə doğru atılmış mühüm addımdır. Türkiyənin F-16 donanması NATO qüvvələri üçün həyati əhəmiyyət kəsb edir və müttəfiqlər arasında gələcək qarşılıqlı əlaqəni təmin edir”, - deyə hesabatda bildirilir.
Ağ Evin rəsmi bildirişindən 15 gün sonra F-16 qırıcılarının Türkiyəyə satışı ilə bağlı ABŞ Konqresindən heç bir etiraz gəlməyib.
Yanvarın 26-da ABŞ Dövlət Departamenti Türkiyəyə 40 ədəd F-16 qırıcısının satışı və mövcud qırıcılar üçün dəstlərin təkmilləşdirilməsi ilə bağlı Konqresə rəsmi bildiriş göndərib.
P.ƏMİRCANOV
XQ
.jpg)
