“Formula 1” üzrə dünya çempionatında 2023-cü il mövsümünün ən yaxşı ötmə əməliyyatı müəyyənləşdiriləcək.
Mövsüm ərzində bu meyara görə fərqlənən 5 pilot namizədlər sırasında yer alıb. Yarışın rəsmi “X” hesabındakı siyahıda “Aston Martin” pilotu Fernando Alonsonun 3, “Ferrari”dən Şarl Leklerin 2, “Red Bull”dan Serxio Peres, “Haas”dan Kevin Maqnussen, “McLaren” komandasından Lando Norrisin hərəyə 1 ötməsi göstərilib. Fernando Alonsonun Azərbaycan Qran-prisində “Ferrari”dən Karlos Saynsı keçməsi də namizədlərdən biridir.
Xatırladaq ki, başa çatan mövsümdə “Red Bull”un pilotu Maks Ferstappen qalib adına layiq görülüb.
Leyla SABİRQIZI
XQ
