23 yaşadək güləşçilər arasında dünya birinciliyində qadın güləşçilərimiz uğurla çıxış ediblər.
Albaniyanın paytaxtı Tiranada keçirilən yarışda komandamızın üzvlərindən Jalə Əliyeva (57 kq) ilk mərhələdə hindistanlı Rina Rinaya, 1/4 finalda isə rusiyalı Mariya Buzarovaya qalib gəlib. J.Əliyeva yarımfinalda kanadalı Mia Frizeni mübarizədən kənarlaşdırıb. İdmançımız finalda yaponiyalı Sara Natamiyə uduzaraq gümüş medalla kifayətlənib.
Digər güləşçimiz Elnurə Məmmədova (50 kq) 1/8 finalda kanadalı Kelin Yanqa, 1/4 finalda isə rusiyalı Mariya Tyumerekovaya qalib gələrək yarımfinala yüksəlib. E.Məmmədova finalın bir addımlığında amerikalı Audri Ximenesə uduzub. İdmançımız 3-cü yer uğrunda hindistanlı Nilam Nilama qalib gələrək bürünc medal qazanıb.
Leyla SABİRQIZI
XQ
