Paris Yay Olimpiya Oyunlarının beynəlxalq tərəfdaşı “Procter&Gamble” şirkəti Azərbaycan milli komandasının bu oyunlarda iştirakını dəstəkləyəcək.
Bununla bağlı qlobal şirkət Milli Olimpiya Komitəsi (MOK) və Milli Paralimpiya Komitəsi (MPK) ilə müqavilə imzalayıb. “Procter&Gamble” şirkətinin Qafqaz və Orta Asiya respublikaları üzrə baş direktoru İrakli Qabriadze, MOK-un vitse-prezidenti Çingiz Hüseynzadə və MPK prezidenti Hidayət Abdullayev müqaviləyə imza atıblar. İmza mərasimində tərəflərin rəhbərlik və təmsilçiləri, idmançılar və media nümayəndələri iştirak ediblər.
“Procter&Gamble” şirkəti Azərbaycanı təmsil edən idmançıların Olimpiya və Paralimpiya oyunlarında iştirakını təmin etmək üçün müqavilə çərçivəsində müəyyən öhdəliklər yerinə yetirəcək.
Müqaviləyə əsasən, şirkət 13 paralimpiyaçı və 12 olimpiyaçı olmaqla, 25 atleti dəstəkləyəcək.
Leyla SABİRQIZI
XQ
.jpg)
