Bakı İdman Sarayında 17 yaşadək həndbolçu qızların Avropa çempionatına yekun vurulub. Yarışın son günündə həlledici oyunlar keçirilib.
Sonuncu gün 7-8-ci yerlər uğrunda oyunda Gürcüstan millisi ilə görüşən Yunanıstan həndbolçuları 29:17 hesabı ilə qələbə qazanıblar. Bosniya və Herseqovina seçməsi isə 5-6-cı yerlər uğrunda oyunda İsrail millisinə çətinliklə qalib gəlib - 32:31.
Litva - Farer adaları matçında 32:27 hesablı qələbə çalan litvalılar çempionatı 3-cü pillədə başa vurublar.
Yarışın qalibi İspaniya – Sloveniya görüşündə müəyyənləşib. Maraqlı idman mübarizəsi şəraitində keçən oyunda ispaniyalılar daha inamlı təsir bağışlayıblar.
Leyla SABİRQIZI, “Xalq qəzeti”
