Bu gün Azərbaycan Premyer Liqasında II tura start veriləcək. "Dalğa Arena"da "Qəbələ" klubu "Araz-Naxçıvan"la qarşılaşacaq.
Fərid Hacıyevin idarə edəcəyi matç saat 18:00-da başlayacaq. Yeri gəlmişkən, hazırda xalı olmayan bu komandalar 9-10-cu pillələrdə qərarlaşıblar.
Günün digər oyununda ötən tur "Qarabağı" öz meydanında məğlub etməyi bacaran "Zirə" doğma stadionunda "Kəpəz"i qəbul edəcək. Matçı Kamal Umudlu idarə edəcək. Görüş saat 21:00-da start götürəcək.
Qeyd edək ki, ilk turdan sonra hərəyə 3 xalı olan komandalar 4-5-ci yerləri bölüşürlər.
Elçin ABBASOV,
"Xalq qəzeti"