Azərbaycan təmsilçilərinin Niderlandın Rotterdam şəhərində keçirilən Avropa paralimpiya çempionatında uğurlu çıxışı davam edir.
Azərbaycan Milli Paralimpiya Komitəsindən “Xalq qəzeti”nə bildirilib ki, qadın cüdoçumuz Xanım Hüseynova (70 kq) bütün rəqiblərinə qalib gələrək çempion adını qazanıb.
Bundan əvvəl Şəhanə Hacıyeva (48 kq) qızıl, Dürsədəf Kərimova (+70 kq), Namiq Abaslı (73 kq) gümüş, Xatirə İsmiyeva (+70 kq), İsmayıl Muradov (60 kq) bürünc medala sahib olublar.
Leyla SABİRQIZI, “Xalq qəzeti”
