UEFA reytinqində Azərbaycan növbəti xallarını qazanıb.
Ölkə çempionu “Qarabağ”ın UEFA Çempionlar Liqasının II təsnifat mərhələsində Polşa təmsilçisi “Rakuv”la evdə 1:1 hesablı heç-heçə qeydə alındığı oyun sayəsində ölkə reytinqinə 0,125 xal əlavə olunub.
Bununla da milli futbolumuzun son 5 mövsümdəki ümumi xallarının sayı 15,250-yə çatıb. Bu nəticə ilə Azərbaycan reytinqdə 29-cu pilləni tutur. İngiltərə 88,928 xalla reytinq cədvəlinin lideridir.
Leyla SABİRQIZI, “Xalq qəzeti”
