Komandamız Paris Yay Paralimpiya Oyunlarına növbəti vəsiqəni təmin edib.
Azərbaycan Milli Paralimpiya Komitəsinin atletika idman növü üzrə milli komandasının üzvü Səid Nəcəfzadə Fransanın paytaxtı Paris şəhərində keçirilən dünya çempionatında uzunluğa tullanma növü (7.11 metr) üzrə keçirilən yarışda bürünc medal qazanmaqla, həm də Paris Paralimpiadasında iştirak hüququ əldə edib.
Qeyd edək ki, bundan əvvəl dünya çempionatında qızıl medal qazanan Lamiyə Vəliyeva və 4-cü yerin sahibi Oloxan Musayev Paris Yay Paralimpiya Oyunlarına lisenziya əldə ediblər.
L.SABİRQIZI, “Xalq qəzeti”
