Almaniyanın paytaxtı Berlində Ümumdünya Xüsusi Yay Olimpiya Oyunlarında komandamız ilk medallarını qazanıb. Bürünc medalları yığmamızın aktivinə pouerliftinq üzrə 59 kiloqram çəki dərəcəsində mübarizə aparan Samir Eminov yazdırıb.
İdmançımız ağırlığı yerindən qaldırmada, ağırlığı çiyinə alaraq oturub durmada və uzanaraq ağırlığı sinəyə alaraq qaldırmada bürünc medallar qazanıb. Təmsilçimiz üç hərəkətin cəmində də bürünc medala layiq görülüb.
Qeyd edək ki, yarışda Azərbaycan Xüsusi Olimpiya Komitəsinin komandası 13 idman növü üzrə mübarizə aparır. Oyunlar iyunun 25-dək davam edəcək.
