Futbol üzrə Azərbaycan Premyer Liqasında XXXIII tura yekun vurulub. Turun sonuncu oyununda “Qarabağ” klubu “Qəbələ” ilə üz–üzə gəlib. Ağdam təmsilçiləri rəqib qapısından 3 cavabsız qol keçiriblər. Qolları 43-cü dəqiqədə Elvin Cəfərquliyev, 75-ci dəqiqədə Abdullah Zubir, 84-cü dəqiqədə isə Ramil Şeydayev vurublar.
“Azersun Arena”da oynanılan qarşılaşmanın baş hakimi Rəvan Həmzəzadə olub. Ağdam klubu 84 xalla turnir cədvəlinin lideridir.
Qeyd edək ki, turun əvvəlki görüşlərində “Sabah” “Kəpəz”i, “Zirə” “Şamaxı”nı 3:0 hesabı ilə üstələyib. “Turan Tovuz” “Neftçi”ni (4:0), “Səbail” isə “Sumqayıt”ı (3:1) məğlub edib.
L.QURBANOVA,
“Xalq qəzeti”
