9-cu görüşdə 6 saatdan sonra sülh bağlanıb
Qazaxıstanın paytaxtı Astanada dünya Şahmat Tacı uğrunda turnirdə mübarizə davam edir. Turnirin 8-ci və doqquzuncu görüşləri heç-heçə ilə yekunlaşıb.
Qeyd edək ki, rus qrossmeyster Yan Nepomnyaşi ilə çinli Dinq Liren arasında 4, 5, 6 və 7-ci görüşlərdə şahmatçılar hərəyə 2 dəfə qələbə qazandığından hesab arasında dəyişikliklər olurdu.
Əlavə edək ki, turnirin 8-ci görüşündə də “sülh” qeydə alınmaya bilərdi. Lakin ağ fiqurlarla oynayan çinli iti zəka sahobi rusiyalı qrossmeysterin 40 gediş ərzində 5 dəfə kobud səhv etməsindən yararlana bilməyib. Hər dəfə Yanın səhvindən sonra Dinq üstünlüyü ələ alsa da, lakin yenidən o, özü həmin səhvləri təkrarlamaqla qələbə imkanlarını əldən veririb.
Nəticədə 8-ci görüşdə 42-ci gedişdə Nepomnyaşinin vəzirləri dəyişmək təklifini qəbul edən Liren 3 gediş sonra heç-heçənin qaçılmaz olduğunu anlayaraq rusiyalı ilə “sülh”ə razılaşıb.
8 partiya Nepomnyaşinin üstünlüyünü ilə (4,5 xal) başa çatıb. Liren isə 8 görüşə 3,5 xal toplayıb.
Bu gün qrossmeysterlər 9-cu dəfə görüşüblər. Bu görüşədək 60 gedişdən artıq çəkməyən qarşılaşmalardan fərqli olaraq bu dəfə iti zəka sahibləri lövhə arxasında daha çox vaxt keçiriblər. Belə ki, doqquzuncu görqş 6 saat davam edib və ağ fiqurlarla oynayan turnirin favoriti rusiyalı qrossmeyster Nepomnyaşi rəqibi üzərində heç cür üstünlü qazana bilməyib.
Hətta 17-ci gedişdə çinli qrossmeysterin səhvindən sonra Nepomnyaşi qələbə qazanmaq üçün müəyyən qədər şans qazanıb. Lakin 29-cu gedişə qədər Liren yenidən vəziyyəti öz xeyrinə dəyişməyi bacarıb. Nəhayət, 82-ci gedişdə şahmatçılar sülh baölayıblar. Bununla da 9 oyundan sonra Nepomnyaşi seriyada üstünlüyünü davam etdirib – 5:4.
Bu gün şahmatçılar istirahət edəcəklər.
Elçin ABBASOV,
"Xalq qəzeti"