Futbol üzrə Misli Premyer Liqa­sında XXIX tur start götürüb. Turun ilk matçında “Qəbələ” klubu doğ­ma meydanda “Zirə”ni qəbul edib. Qəbələ şəhər stadionunda oynanı­lan matç meydan sahiblərinin 2:1 hesablı qələbəsi ilə yekunlaşıb.

“Qəbələ”nin qollarını Roman Ma­çado və Ruan Renato, “Zirə”nin qolu­nu isə Eldar Quliyev vurub. Bu qələ­bədən sonra xallarının sayını 39-a çatdıran “Qəbələ” “Zirə”ni qabaqlaya­raq turnir cədvəlində dördüncü pilləyə yüksəlib. 38 xal toplayan “Zirə” isə be­şinci sırada qərarlaşıb.

Dünən isə XXIX turun daha iki matçı baş tutub. “ASCO Arena”da keçirilən günün ilk matçında “Səbail” “Sabah”ı 2:1 hesabı ilə məğlub edib. Bu qələbədən sonra 65 xala malik “Sabah” turnir cədvəlində ikinci pil­lədədir. Xallarının sayını 21-ə çatdı­ran “Səbail” isə 9-cu yerdədir. Günün son oyununda isə “Sumqayıt” doğma meydanda “Neftçi”ni qəbul edib. Gö­rüş qonaqların 4:0 hesablı qələbəsi ilə bitib. Bununla da 60 xal toplayan “Neftçi” üçüncü pilləyə yüksəlib. 24 xala malik “Sumqayıt” isə 8-ci sırada­dır.

Qeyd edək ki, tura bu gün “Turan Tovuz”- “Şamaxı” və “Qarabağ” – “Kəpəz” görüşləri ilə yekun vurulacaq.

Elçin ABBASOV, “Xalq qəzeti”