Azərbaycan Kanoe və Avarçəkmə Federasiyası (AKAF) 5 Mart Bədən Tərbiyəsi və İdman Günü ilə əlaqədar idman həftəsi çərçivəsində Səbail rayonu 239 saylı tam orta məktəbində şagirdlərlə görüş keçirib.
Bu barədə AKAF-dan qəzetimizə verilən məlumatda bildirilib ki, görüş çərçivəsində məktəblilərə avarçəkmə idman növü üzrə “Ustad dərsləri” keçilib. Görüşdə akademik avarçəkmə üzrə məşqçi Samir Məmmədov şagirdlərə seminar keçib. Seminar zamanı avarçəkmə idman növünün tarixi və Azərbaycanda inkişaf etdirilən növləri haqqında məlumat verilib.
Qeyd edək ki, Gənclər və İdman Nazirliyinin təşəbbüsü əsasında AKAF-ın dəstəyi ilə keçirilən seminarın təşkilində məqsəd şagirdlərin idmana olan marağının artırılması, sağlam həyat tərzinin təbliğidir.
Elçin AĞAMİRZƏ, “Xalq qəzeti”
.jpg)
