Energetika Nazirliyi yanında Bərpaolunan Enerji Mənbələri Dövlət Agentliyi İsveçrənin Ce­nevrə şəhərində BMT-nin Avropa İqtisadi Komissiyasının Dayanıqlı Enerji Həftəsi çərçivəsində keçir­diyi tədbirdə ölkəmizi təmsil edib.

Agentlikdən redaksiyamıza verilən məlumata görə, tədbirin COP29 və “Cə­nub–Şərqi və Şərqi Avropa, Qafqaz və Mərkəzi Asiya regionunda enerji keçi­dinin sürətləndirilməsi” adlı panelində təqdimatla çıxış edən Bərpaolunan Enerji Mənbələri Dövlət Agentliyinin hidrogen və yaşıl texnologiyalar şöbəsinin müdiri Rəna Hümbətova enerji keçidi ilə əlaqə­dar planlar barədə məlumat verib, həm­çinin respublikamızda istifadəsi nəzərdə tutulan “yaşıl” texnologiyaların tətbiqi ilə əlaqədar ehtiyac və üstünlüklər barədə danışıb.

Daha sonra BMT-nin Dayanıqlı Enerji Komitəsinin 33-cü iclası çərçivəsində bu təşkilatın seçkisi keçirilib və Rəna Hüm­bətova komitənin vitse-sədri seçilib. Daha sonra “Gələcəyə baxış: Davamlı Enerji Komitəsinin görəcəyi işlər” ilə bağlı ses­siya reallaşdırılıb. Sessiyada yeni seçilmiş komitənin sədr və sədr müavinlərinin işti­rakı ilə növbəti dövr üzrə dayanıqlı enerji sahəsində əsas istiqamətlərin inkişafına dair yanaşmalar barədə müzakirələr apa­rılıb. 

Sessiyanın sonunda Dayanıqlı Enerji Komitəsinin yeni vitse-sədri Rəna Hüm­bətova enerji keçidinin sürətləndirilməsi üçün regional əməkdaşlığın vacibliyi­ni vurğulayaraq, “yaşıl” enerji dəhlizlər konsepsiyası və həmin konsepsiyanın ay­rılmaz hissəsi olan hidrogen enerjisindən danışıb.