COP29 tədbirinin iki yeni rəsmi tərəfdaşı elan olunub. Bunlar “NEQSOL Holding” və “GİLTEX” şirkətləridir. Bu tərəfdaşlıq hər iki müəssisənin dayanıqlı təcrübə və qlobal iqlim məqsədləri ilə bağlı əzmkarlığını nümayiş etdirir.

COP29 Azərbaycan Əməliyyat Şirkəti­nin mətbuat ofisindən bildirildiyinə görə, “NEQSOL Holding” və “GILTEX” şirkət­ləri Azərbaycanın “Milli öhdəlik proqra­mı”nda fəal iştirak edir. Bu proqram çər­çivəsində qarşıya qoyulan məqsədlərdən biri iqlim məqsədlərinə nail olmaq, gələ­cək ekoloji, sosial və korporativ idarəetmə strategiyalarını formalaşdırmaq, eləcə də yerli tərəfdaşlıq meyarlarının tələblərinə cavab vermək üçün bu şirkətlərin daxili potensiallarını qiymətləndirməkdir. 

Məlumata əsasən, “NEQSOL Hol­ding” və “GILTEX” strukturları COP29 Azərbaycan Əməliyyat Şirkətinin təlim sessiyalarına qoşulmaqla səriştələrini artı­rır, resursların idarə edilməsini optimallaş­dırır və ölkəmizin iqlim fəsadlarına qarşı mübarizəsinə töhfə verirlər. 

“NEQSOL Holding” şirkətlər qrupu telekommunikasiya, enerji, texnologiya və tikinti də daxil olmaqla, müxtəlif sahələrdə layihələr həyata keçirir. Sözügedən şirkət­lər qrupu 11 ölkəni (Azərbaycan, Niderland Krallığı, Birləşmiş Krallıq, ABŞ, Türkiyə, Ukrayna, Gürcüstan, Qazaxıstan, BƏƏ və s.) təmsil edən 12 mindən çox əməkdaşı ilə bütün dünyada 25 milyon müştəriyə xidmət göstərir. COP29 “NEQSOL Hol­ding” şirkətlər qrupuna iqlim dəyişmələri ilə bağlı qlobal təşəbbüslərə səmərəli töhfə vermək üçün qlobal liderlərlə əməkdaşlıq qurmaq, bilik mübadiləsi aparmaq və inno­vativ həll variantlarının müzakirəsini real­laşdırmaq imkanı yaradır.

Azərbaycanda və Cənubi Qafqaz re­gionunda fəaliyyət göstərən “GILTEX” MMC isə respublikamızda istehsal olunan pambıqdan hazırlanan tekstil məhsullar buraxır. Şirkətin istehsal müəssisələrinə iplik, tikiş, tibbi maska fabrikləri, eləcə də 2 toxuma və 2 boya fabriki daxildir. Rəs­mi tekstil üzrə tərəfdaş olaraq, “GILTEX” tekstil sənayesi çərçivəsində dayanıqlılıq və ətraf mühitin mühafizəsi üzrə əməkdaş­lığın inkişafına töhfə verəcəyini bildirir. 

Yaradılan bu imkandan istifadə etmək­lə, COP29-un tərəfdaşları qlobal iqlim siyasəti ilə bağlı fəaliyyətlərini genişlən­dirəcək, dayanıqlılıq üzrə səylərini ön pla­na çıxaracaq və öz əsas biznes sahələrində iqlim fəaliyyətinə keçidi dəstəkləyəcəklər. COP29-un tərəfdaşı olmaqla, bu şirkətlər ekoloji siyasətlərin təkmilləşdirilməsində və 1,5 dərəcə hədəfi baxımından qlobal ic­malara dəstək göstərilməsində oynadıqları mühüm və həlledici rolu nümayiş etdirə­cəklər.