COP29 Məlumat Mərkəzində ekoloji mövzulara ictimaiyyətin diqqətinin cəlb edilməsinə yönələn təşəbbüslərin davamı olaraq “Ekoloji təmiz həyat tərzinə keçid” adlı toplantı keçirilib.

Ekologiya və Təbii Sərvətlər Nazirli­yinin COP29 könüllüləri ilə birgə təşkil etdiyi aksiyanın məqsədi plastik tullan­tılardan istifadənin azaldılması, təkrar emal və istifadənin ekoloji faydalarının cəmiyyətə aşılanması olub. COP29 Azər­baycan Əməliyyat Şirkətinin Mətbuat xidmətindən verilən xəbərə görə, Bakının dənizkənarı bulvarında reallaşan aksiya çərçivəsində paytaxt sakinləri tullantı he­sab edilən plastik, kağız və batareya kimi istifadə olunmuş və istismardan çıxarıl­mış müxtəlif əşyaların təhvil verilməsinə dəvət edilib. 

Tullantıların toplanması üçün COP29 Məlumat Mərkəzinin qarşısında təşkil edilmiş məntəqələrə gələn sakinlər burada quraşdırılmış monitorlar vasitəsilə plas­tikdən istifadənin zərərli təsirləri, tullantı­ların düzgün utilizasiya qaydaları, kağızın təkrar emalı yolları, dayanıqlı həyat tərzi vərdişlərinin önəmi, ətraf mühitin qorun­masına töhfə vermək üçün praktiki həllər kimi mövzularda videoçarxlar vasitəsilə ətraflı məlumatlandırılıblar.

Aksiya nəticəsində toplanmış tullan­tılar utilizasiya edilməsi üçün “Təmiz Şəhər” ASC və Ekologiya və Təbii Sər­vətlər Nazirliyinin müvafiq qurumuna təhvil verilib.