Azərbaycanın Mərkəzi Asiya­da strateji müttəfiqi, dost Özbə­kistanda bu ilin noyabr ayında Bakıda keçiriləcək Birləşmiş Mil­lətlər Təşkilatının İqlim Dəyiş­mələri üzrə Çərçivə Konvensiya­sının 29-cu sessiyasına (COP29) maraq olduqca yüksəkdir. Bu ölkənin 100-ə yaxın qeyri-hö­kumət təşkilatı adından qəbul olunmuş bəyanat da bunu təs­diqləyir. 

COP29 sədrliyinə səmimi dəstək ifadə edən sənəddə bildirilib ki, Tərəflər Konfransının 29-cu ses­siyası, Kioto Protokolunun Tərəflər Görüşünün 19-cu sessiyası və Pa­ris Sazişinin Tərəflər Görüşünün 6-cı sessiyasını əhatə edən bu təd­bir, həmçinin maliyyə sahəsində ilk genişləndirilmiş şəffaflıq strukturu­nu və yeni kollektiv kəmiyyət hədəfi üzərində işi tamamlayacaq. Eyni zamanda, Elmi və Texnoloji Məs­ləhət üzrə Yardımçı Orqanın və Hə­yatakeçirmə üzrə Yardımçı Orqanın 61-ci sessiyaları keçiriləcək.

Qeyd olunub ki, Özbəkistan qlo­bal iqlim problemlərinə qarşı mü­barizənin kritik əhəmiyyətini qəbul edən bir dövlət kimi 1993-cü ildən bu yana BMT-nin İqlim Dəyişmələri üzrə Çərçivə Konvensiyasının tərə­fidir və Paris Sazişinin iştirakçısıdır: “Biz COP29 və Azərbaycanın rəh­bərliyi ilə beynəlxalq arenada iqlim fəaliyyətinin təşviqində nümayiş olunan liderliyi yüksək qiymətlən­diririk. Artan əhali və şəhərləşmə proseslərinə baxmayaraq, Özbəkis­tan təbii ehtiyatlardan daha davamlı istifadəyə və qeyri-sabit istehlak və istehsal nümunələrinə son qoyma­ğa çalışır. Ölkə iqlim dəyişmələrinin təsirlərinə qarşı xüsusilə həssasdır, buna görə sənaye, kənd təsərrüfatı və nəqliyyat sektorlarının karbon­sızlaşdırılması və yeni reallıqlara uyğunlaşma Özbəkistan üçün hə­yati əhəmiyyət daşıyır”, – deyə bə­yanat müəllifləri bildiriblər.

Özbəkistan vətəndaş cəmiyyəti­nin gələcək nəsillərə zərər vermə­dən mövcud ehtiyacların ödənilmə­sinin vacibliyini qəbul edərək iqtisadi artım və ətraf mühitin qorunması arasında tarazlığa nail olmaq üçün səylər göstərdiyini bildirən QHT nü­mayəndələri qeyd ediblər ki, iqlim dəyişmələrinin həlli çox vacibdir, təsirləri azaltmaq, həssas icmaları qorumaq və mühüm ekosistemləri mühafizə etmək üçün cəsarətli və qətiyyətli addımların vaxtı gəlmişdir.

Özbəkistan vətəndaş cəmiyyəti­nin COP29 sədrliyini və Azərbayca­nın dialoq, əməkdaşlıq və innovasi­yaların inkişafına sadiqliyini yüksək qiymətləndirdirdiyini vurğulayan bə­yanatda daha sonra bildirilib: “Zən­gin mədəni və təbii irsə malik olan Azərbaycan təkcə qiymətli ekoloji resursların mühafizəçisi kimi deyil, həm də ətraf mühitin və iqlim dəyiş­mələrinə qarşı tədbirlərin fəal mü­dafiəçisi kimi çıxış edir. Özbəkistan qarşıdan gələn COP29 danışıqları zamanı Azərbaycanın əhəmiyyətli konsensus nəticələrinə nail olaca­ğına dair nikbinliyini ifadə edir. Öz­bəkistan vətəndaş cəmiyyəti iqlim fəaliyyətini sürətləndirmək və pla­netimiz üçün parlaq bir gələcək ya­ratmaq məqsədilə COP29-a sədrlik edən Azərbaycan ilə həmrəydir.

Biz iqlim dəyişmələri ilə mü­barizədə həm insanların, həm də təbiətin inkişaf etdiyi bir dünya qurmaqda töhfə vermək fürsətimizi həvəslə gözləyirik”.