Avrasiya İqtisadi İttifaqı (Aİİ) dünyanın özünü təmin edən və müstəqil mərkəzlərindən biri kimi təsdiq etmişdir. Rusiya prezidenti Vladimir Putin bunu dekabrın 26-da Leninqrad vilayətindəki İqora kurortunda keçirilən Ali Avrasiya İqtisadi Şurasının dar tərkibdə iclası zamanı bildirib. Məlumatı “İzvestiya.ru” verib. 

“Bizim assosiasiyamız özünü formalaşmaqda olan çoxqütblü dünyanın müstəqil və özünü təmin edən mərkəzlərindən biri kimi təsdiq edib və dinamik inkişaf etməkdə davam edir”, - deyə Putin bildirib.

Dövlət başçısı qeyd edib ki, Aİİ-nin fəaliyyəti ticarət əlaqələrinin genişləndirilməsinə və əməkdaşlıq əlaqələrinin dərinləşməsinə, işgüzar əlaqələrin qurulmasına, investisiya mübadiləsinə kömək edir. Prezident deyib ki, bütün iştirakçı ölkələr assosiasiyada işləməkdən faydalanır və birlik həm üzv dövlətlərin, həm də bütövlükdə bütün Avrasiya regionunun sabit və dayanıqlı iqtisadi artımına töhfə verir. Aİİ vətəndaşların həyat keyfiyyətini və rifahını yaxşılaşdırmağa kömək edir.

Putin Rusiyanın ittifaq ölkələri ilə qarşılıqlı faydalı, çoxşaxəli əməkdaşlığı yüksək qiymətləndirdiyini və bu inteqrasiya birliyinin hərtərəfli gücləndirilməsi üçün ümumi işi gücləndirməkdə maraqlı olduğunu vurğulayıb.

P.ƏMİRCANOV

XQ