Qazaxıstan və Macarıstan arasında qarşılıqlı ticarət dövriyyəsi durmadan artır. Ötən il bu göstərici əvvəlki illə müqayisədə 9 faiz artıb. Məqsədimiz onu 1 milyard dollara çatdırmaqdır. Bunu Qazaxıstan Prezidenti Kasım-Jomart Tokayev Macarıstanın Baş naziri Viktor Orbanla birgə mətbuat konfransında deyib.

Məlumatı “Anadolu” verib. 

Tokayev qeyd edib ki, qazaxlar və macarlar dərin tarixi köklərlə bağlı qohum xalqlardır. Prezidentin sözlərinə görə, böyük Dunayla qədim Altay arasında coğrafi məsafənin olmasına baxmayaraq, eyni tale ilə bağlı olan hər iki dövlətin ümumi məqsədləri və istəkləri var.

Tokayeb deyib: “Macarıstan Qazaxıstanın Avropa İttifaqında etibarlı strateji tərəfdaşıdır. Bugünkü güclü siyasi əməkdaşlıq, sıx iqtisadi əlaqələr buna əyani sübutdur. Hörmətli Viktor Orbanla mən indicə əsaslı danışıqlar apardıq. Baş nazirin ötən il Astanaya rəsmi səfəri zamanı əldə olunmuş razılaşmaların icrasının gedişi müzakirə edilib. Biz yeni qarşılıqlı fəaliyyət sahələrini də nəzərdən keçirdik. Biz 10 il əvvəl qurulmuş strateji tərəfdaşlığımızın inkişaf perspektivlərinə xüsusi diqqət yetirdik. Çox mühüm vəzifələr səmərəli siyasi dialoqun həyata keçirilməsi və birgə iqtisadi layihələrin həyata keçirilməsidir. Çoxtərəfli formatda qarşılıqlı fəaliyyətə güclü təkan vermək lazımdır. Bu gün biz Birgə Bəyanat qəbul etdik. Qazaxıstan və Macarıstan arasında əlaqələrin geniş spektri üzrə əlaqələrin gücləndirilməsi iki xalqın maraqlarına cavab verir”.

O qeyd edib ki, Qazaxıstan Macarıstana ümumi məbləği 700 milyon dollar olan 95 adda mal tədarük etməyə hazırdır.

P.ƏMİRCANOV
XQ