Türkiyənin Kocaeli vilayətinin Körfəz şəhərində “Türkiye Petrol Rafinerileri A” şirkətinin neft emalı zavodunda partlayış baş verib. Partlayışdan sonra yaranan yanğın söndürüb. Kocaeli rəhbəri Tahir Büyükakın partlayışın planlaşdırılmış “məşq” zamanı baş verdiyini iddia edir. 

KİV-in məlumatına görə, 14 nəfər yaralanıb.

Əyalət rəhbərinin sözlərinə görə, partlayış və ya sonrakı yanğında tələfat olmayıb. “Sabah” qəzeti isə 14 nəfərin yaralandığını iddia edir.

"Habertürk" yerli fövqəladə xidmətlərə istinadən yazır ki, partlayış yerli vaxtla 13:00 radələrində (Moskva vaxtı ilə eyni) baş verib. Moskva vaxtı ilə saat 14:30-da yanğınsöndürənlər yanğını söndürüblər.

Telekanal neft emalı zavodunun ərazisindən gələn boz tüstü sütununun fotosunu dərc edib. Zavod binasına dəymiş ziyan barədə məlumat verilmir. 

Cənab Büyükakın partlayışın səbəbini “adi məşqlər” adlandırıb. NTV telekanalı yazır ki, partlayışa səbəb transformator olub. Kocaeli qəzetinin yazdığına görə , partlayış o qədər güclü olub ki, yerli sakinlər bunu zəlzələ hesab ediblər.

P.ƏMİRCANOV

XQ