Almaniyanın Nördlingen qəsəbəsində evlərin dam örtükləri “almazlar”la bəzədilib. Şəhərdəki binaların dam örtüklərinə on tonlarla “almaz” sərf edilib. 

Ehtimal olunur ki, təqribən, 15 milyon il bundan əvvəl Alp dağına düşən meteo­rit yerə enərək dərinliyi 26 kilometr olan “Nördlingen ries” kraterini əmələ gəti­rib. Meteorit dağılan zaman kiçik parlaq parçaları ətrafa yayılıb. Bu gün qəsəbədə damlarda istifadə olunan “almazlar” məhz həmin meteoritin zərrəcikləridir. 

Nördlingen qəsəbəsində gün işığında evlər par-par parıldayır. Bir çox turistlərin də diqqətini çəkən bu “almazlar” qəsə­bənin cəlbedici və parlaq görünməsində önəmli rol oynasalar da, onlar oxşarları kimi hər hansı maddi dəyərlərə sahib deyil. 

Xatırladaq ki, Nördlingen Almaniya­nın Bavariya əyalətində salınmış yaşayış məntəqəsidir. Bura həm də hündür qüllələ­ri olan kilsələri və daş döşənmiş səliqəli yolları ilə məşhurdur. 

Mərkəzi hissədə qotik üslubunda ti­kilmiş Müqəddəs Georgi Kilsəsi yerləşir. Onun Daniel adlanan qülləsindən qəsə­bəyə heyrətamiz mənzərə açılır. 

Fidan SALMANOVA
XQ