Suriya Prezidenti Bəşər Əsəd Rusiyanın dövlət başçısı Vladimir Putinin xüsusi nümayəndəsi Aleksandr Lavrentyevlə görüşündə Suriya-Türkiyə münasibətləri barədə danışıb. Məlumatı “Anadolu” verib.
“Suriya ölkənin bütün ərazisində suverenliyə, terrorizm və terror təşkilatlarına qarşı mübarizəyə əsaslanan Suriya-Türkiyə münasibətlərinin inkişafı üçün bütün təşəbbüslərə açıqdır”, - deyə bəyanatda bildirilir.
Lavrentyev öz növbəsində qeyd edib ki, Rusiya Suriya-Türkiyə münasibətlərinin inkişafı üçün bütün təşəbbüsləri dəstəkləyir: “Biz görürük ki, uğurlu vasitəçilik üçün şərait indi həmişəkindən daha əlverişlidir. Rusiya danışıqların irəliləməsi üçün işləməyə hazırdır. Məqsəd Suriya ilə Türkiyə arasında münasibətlərin bərpasına nail olmaqdır”.
P.ƏMİRCANOV
XQ
