ABŞ hakimiyyəti Ukraynaya təkcə Xarkov vilayətinə deyil, digər ərazilərə də hücum edən Rusiya qüvvələrinə zərbələr endirmək üçün Amerika silahlarından istifadə etməyə icazə verib. Bu barədə Amerika rəsmiləri arasında olan mənbələrə istinadən "Politico" nəşri məlumat yayıb.

Rusiya ordusunun Xarkov vilayətinə hücumu fonunda ABŞ hücumlara cavab olaraq Ukraynaya Rusiya ərazisinə zərbələr endirməsinə icazə verib. O zaman ABŞ rəsmiləri bu qaydanın Xarkov vilayətinə hücum edən qüvvələrlə məhdudlaşdığını vurğulamışdı. Politico qeyd edir ki, o vaxtdan bəri Ukrayna qüvvələri Rusiyaya, xüsusən də Belqoroda zərbə endirmək üçün ən azı bir dəfə Amerika silahlarından istifadə edib. Lakin, nəşrin məlumatına görə, Ukrayna və Avropa rəsmiləri ABŞ-a təzyiq göstərirlər ki, Vaşinqton Kiyevin Rusiyanın istənilən nöqtəsinə zərbə endirməsinə imkan verən məhdudiyyətləri yüngülləşdirsin.

Anonimlik şərti ilə danışan iki ABŞ rəsmisi Ukraynanın istənilən hədəfə atəşə cavab olaraq Rusiyaya zərbə endirməsinə icazə verilməsinin ABŞ siyasətində dəyişiklik olduğunu bildirib. Əvvəlcə bu qərar yalnız Xarkov vilayətində hücum kontekstində müzakirə edilib, lakin bu, Rusiyanın digər hədəflərinə edilən hücumlara cavab olaraq başqaları ilə cavab tədbirləri görülməsini istisna etmirdi. Eyni zamanda, Ceyk Sallivan vurğulayıb ki, ABŞ-nin Rusiya daxilində uzaq mənzilli zərbələrin qarşısının alınması siyasəti dəyişməyib.

Mayın sonunda Rusiyanın Xarkov bölgəsinə hücumu fonunda "Politico", The New York Times və The Washington Post ABŞ prezidenti Co Baydenin Ukraynaya Himars MLRS və GMLRS raketləri də daxil olmaqla, ABŞ tərəfindən təchiz edilmiş silahlarla Rusiya regionlarını hədəf almağa icazə vermək qərarı haqqında məlumat yayıb. 

S.ELAY

XQ