Gələcəkdə robotlar və süni intellekt (AI) insanları istənilən mal və xidmətlə təmin edəcək. Bu proqnozu amerikalı iş adamı İlon Mask verib: “Əgər hobbi kimi iş­ləmək istəyirsinizsə, işləyə bilərsiniz. Amma əks halda, süni intellekt və robotlar sizi lazım olan bütün mal və xidmətlərlə təmin edəcək”.

İş adamı süni intellekt texnologiyalarının “siyasətə” qoşul­masının əleyhinədir. O hesab edir ki, bu, süni intellekti “yalan danışmağa” öyrədəcək. Eyni zamanda, “son dərəcə təhlükə­lidir və potensial olaraq insanlığın məhvinə səbəb ola bilər”. Çünki saxta məlumat yaratmaq üçün dərin kompüter biliklərinə ehtiyac yoxdur. Açar sözlər və mətn daxil etməklə istənilən nə­ticəni əldə etmək mümkündür. 

Süni intellekt, şübhəsiz ki, redaksiyalar üçün də bir sıra geniş imkanlar yaradır. Buraya mətnlərin orijinal və innovativ formada hazırlanması, fotoşəkillərə şərh verilməsi, nitqin mət­nə çevrilməsi kimi sahələr daxildir. Amma bu məlumatların təh­lükəli istiqamətə yönəldilməsi də mümkündür.

Xatırladaq ki, İ.Mask bu ilin martında bildirmişdi ki, 2025-ci ildə süni intellekt istənilən insandan, 2029-cu ilə qədər isə bü­tün insanlardan daha ağıllı olacaq.

PÜNHAN
XQ