Almaniya kansleri Olaf Şolts Ukraynada uzunmüddətli müharibə gözləyir.

"Wochentaz"a verdiyi müsahibədə o, "Ukraynanı uzun müddət silah və sursatla təmin etməli olacağıq" deyib.

Şolts hazırda Rusiya prezidenti Vladimir Putinlə birbaşa danışıqları məqsədəuyğun hesab etmir: “Onların nəsə verə biləcəyi hissi varsa, belə danışıqlar ağlabatandır. Amma Rusiyanın indi müharibə aparması bunun əksini göstərir. Danışıqlar o zaman məqsədəuyğun olacaq ki, Rusiya sülh diktaturasının olmayacağını anlasın və Putin anlasın ki, o, müharibəni dayandırmalı və qoşunlarını çıxarmalıdır”.

Kansler keçmişdə Putinlə artıq danışıqlar apardığını, bunun da tənqidi iradlara səbəb olduğunu xatırladıb və gələcəkdə Rusiya lideri ilə danışıqları istisna etməyib. Almaniya kanslerinin ​​sözlərinə görə, o, Putinlə sonuncu dəfə 2022-ci ilin dekabrında danışıb.

Şolts əmin edib ki, Almaniya lazım olduğu müddətdə Ukraynanı dəstəkləyəcək. 

Aprelin 13-də Şolts Çinə üç günlük səfərə yola düşür və burada öz sözləri ilə desək, Pekin rəhbərliyini Rusiyaya təsirindən istifadə edərək müharibəni dayandırmağa sövq etməyə inandırmaq niyyətindədir.

S.ELAY

XQ