ABŞ prezidenti Co Bayden və sabiq dövlət başçısı Donald Tramp demək olar ki, eyni vaxtda Texasın sərhəd şəhərlərinə gəliblər. Cənab Bayden Braunsvildə, cənab Trump isə İql Pasda olub. Ştatın qubernatoru Qreq Ebbot onlardan yalnız biri ilə - Donald Tramplagörüşüb. NBC News qeyd edir ki, immiqrasiya hər iki siyasətçinin iştirak etdiyi 2024-cü il prezidentlik yarışının əsas məsələlərindən birinə çevrilib.

Co Bayden və Donald Tramp Texasa bir-birindən yarım saat sonra gəliblər. Media Braunsvil İql Pas şəhərləri arasındakı məsafənin 450 km-dən çox olmasına baxmayaraq, onların çıxışlarının zaman baxımından bir qədər üst-üstə düşdüyünü qeyd edir. 

Cənab Bayden çıxışında respublikaçıları cənab Trampın partiya yoldaşlarına bu sənədi qəbul etməməyi tövsiyə etməsindən sonra Amerika sərhədini qorumaq üçün ikipartiyalı qanun layihəsini imzalamaqdan imtina etdiklərinə görə tənqid edib. "Cənab Trampa demək istədiyim budur: Konqres üzvlərinə bu qanuna mane olmalarını söyləməkdənsə, mənə qoşulun, yoxsa mən də sizə qoşulacam ki, Konqresə bu ikitərəfli təhlükəsizlik qanun layihəsini qəbul etsin", - ABŞ prezidenti deyib. 

Donald Trampın sözlərinə görə, ABŞ-ın Meksika ilə sərhədini qanunsuz keçən insanlar ölkənin təhlükəsizliyinə böyük təhlükə yaradırlar. O, miqrasiya böhranını “Bayden işğalı” adlandırıb: “Bunlar ölkəmizə gələn insanlardır, həbsxanalardan gəlirlər, ruhi xəstəxanalardan gəlirlər, dəlixanalardan gəlirlər və terrorçudurlar. Onlar ölkəmizə aparılır. Bu isə dəhşətlidir”.

S.ELAY

XQ