İyirmi ildən çox davam edən bərpa işlərindən sonra qədim Misirin XVIII Amun sülaləsinin (e.ə. 1550-1292) böyük katibi Neferhotepin sərdabəsinin rəsmi açılışı olub.
Sərdabə Luksor şəhərinin Əl-Xoxa bölgəsində yerləşir. Burada gözəl rənglənmiş səhnələr və yazılar var. Sərdabənin bərpasına 2000-ci ildə başlanılıb. Argentinanın Buenos-Ayres Universitetinin missiyası onun epiqrafik və arxeoloji aspektlərinin qeydə alınması və öyrənilməsinə cavabdeh idi. Almaniya arxeoloji qrupu isə divar rəsmlərinin konservasiyası və təmizlənməsi ilə məşğul olub.
Sərdabədəki divar rəsmlərinin bir vaxtlar rəngarəng və yüksək bədii keyfiyyəti olsa da, XIX əsrin əvvəllərində onların bir hissəsi pozulub. Geniş və diqqətli araşdırmadan sonra alman komandası lazerlərdən istifadə edərək, kövrək divar rəsmlərini və heroqlifləri üzə çıxarmaq üçün yeni üsul hazırlayıb.
Bundan əlavə, divar rəsmlərini, relyef və heykəllər üzərində boş daş parçaları, çatları, ayrılmış suvaq və boya qatlarını sabitləşdirmək üçün daha geniş konservasiya tədbirləri həyata keçirilib.
XQ