NATO-nun Baş katibi Yens Stoltenberq “Welt” nəşrinə açıqlamasında deyib ki, Prezident Vladimir Putin ölkəsinin iqtisadiyyatını uzunmüddətli müharibəyə hazırlayır. Bu barədə “Euronews” agentliyi məlumat yayıb. 

Baş katibin sözlərinə görə, alyans Rusiya ilə müharibə axtarmır: “Ancaq biz onilliklər davam edə biləcək bir qar­şıdurmaya hazırlaşmalıyıq”. O, həmçi­nin NATO müttəfiqlərini silah sənayesini daha sürətlə genişləndirməyə çağırıb: “Əgər Putin Ukraynada qalib gəlsə, Rusi­ya təcavüzünün başqa ölkələrə yayılma­yacağına zəmanət yoxdur”.

Stoltenberq sonra vurğulayıb ki, hazırda ən yaxşı müdafiə Ukraynanı dəstəkləmək və NATO-nun hərbi imkan­larına sərmayə qoymaqdır: “Biz sənaye bazamızı daha tez bərpa etməli və geniş­ləndirməliyik ki, Ukraynaya tədarükləri, eyni zamanda, öz ehtiyatlarımızı artıraq. Bu, sülh dövründə zəif surətli istehsal­dan münaqişə zamanı zəruri olduğu kimi sürətli istehsala keçmək deməkdir”.

NATO-nun Baş katibi açıqlamasının sonunda bir daha “Rusiya bütün iqtisa­diyyatını müharibəyə yönəldir, biz də təh­lükəsizliyimiz üçün daha çox şey etməli­yik”, -deyə bildirib.

XQ