ABŞ prezidenti Co Baydenin administrasiyası İsrail və Qəzza zolağı arasındakı münaqişənin Yaxın Şərq ölkələri arasında müharibəyə çevrilməsi ehtimalına hazırlaşır. Bu, Amerika prezidentinin seçki kampaniyasına mane ola bilər. Bununla bağlı "Politico" mənbələrə istinadən xəbər verir.
"Politico" yazır ki, Bayden administrasiyasının rəsmiləri Vaşinqtonun Qəzzədəki müharibənin daha geniş, uzun sürən regional münaqişəyə çevrilməsinə cavab verməsi üçün planlar hazırlayır.
Qeyd olunur ki, Yaxın Şərqdə hərbi əməliyyatların artması ABŞ-ın milli təhlükəsizliyini təhdid edə bilər. Agentlik mənbələrinin məlumatına görə, ABŞ ordusu İranın dəstəklədiyi İraq və Suriyadan mümkün hücumları dəf etmək üçün planlar hazırlayır.
Nəşrin fikrincə, münaqişənin kəskinləşməsi ABŞ prezidenti Co Baydenin yeni müddətə yenidən seçilməsinə mane ola bilər.
Bu onunla bağlıdır ki, cənab Bayden “müharibələri bitirmək vədləri ilə” prezident vəzifəsini icra etdi və birinci səlahiyyət müddətini “lazım olduğu qədər Ukraynanı dəstəkləmək” niyyəti ilə başa vurmaqla yanaşı, İsraili də fəal şəkildə dəstəklədi.
XQ
