Böyük Britaniya süni intellekt sistemlərini kiberhücumlardan qorumaq üçün dünyanın ilk qlobal təlimatlarını dərc edib. Yeni təlimatlar süni intellekt texnologiyasının təhlükəsiz şəkildə inkişaf etdirilməsini təmin etmək məqsədi daşıyır.
Dünən Londonda keçirilən açılış tədbiri 100-dən çox beynəlxalq tərəfdaşı bir araya toplayıb. Tədbirdə ABŞ, Kanada, Almaniya, Böyük Britaniya və s. ölkələrdən olan aparıcı kiber agentliklərin nümayəndələri iştirak ediblər.
Təhlükəsizlik qaydalarını təsdiq edən dövlətlər bunlardır: Avstraliya, Kanada, Çili, Çexiya, Estoniya, Fransa, Almaniya, İsrail, İtaliya, Yaponiya, Yeni Zelandiya, Nigeriya, Norveç, Polşa, Koreya Respublikası, Sinqapur, Birləşmiş Krallıq, Amerika Birləşmiş Ştatları.
Ayan SƏMƏDQIZI,
tələbə-jurnalist
