Milyarder İlon Mask sahibi olduğu “X” sosial şəbəkəsini avropalı istifadəçilər üçün bloklamağı düşünür. Məlumata görə, avqust ayında qüvvəyə minmiş Rəqəmsal Xidmət Aktı (DSA) ilə bağlı tələblərdən getdikcə daha çox narazı olan biznesmen hazırda proqramın regionda əlçatmaz olmasının yollarını araşdırır.

“Hazırda “X” adlanan “Twit­ter”i bir il əvvəl 44 milyard dol­lara əldə edən “Tesla”nın sahibi proqramın regionda əlçatan ol­maması, yaxud Avropa İttifaqın­da istifadəçilərin ona daxil ol­masını əngəlləmək imkanlarını müzakirə edib”, - deyə mənbə­dən qeyd edilib.

Bildirilir ki, Mask ən azı iki dəfə daxili bazar üzrə Avropa komissarı Tyeri Breton ilə “X” so­sial şəbəkəsinin DSA-ya uyğun olaraq görməli olduğu tədbirləri müzakirə etsə də, mövcud və­ziyyət artıq onun səbrini tükədib.

Breton bundan əvvəl Avropa Komissiyasının “X”in yeni qa­nuna uyğunluğu ilə bağlı araş­dırmaya başladığını bildirərək, sosial şəbəkələrdə İsrail-Fələs­tin münaqişəsi ilə bağlı dezinfor­masiyanın yayıla biləcəyini iddia etmişdi. Nəşr xatırladır ki, AK platformanın zərərli məlumatlar­la mübarizə üçün gördüyü təd­birlər haqqında ətraflı məlumat tələb edib.

XQ