Yaş, sadəcə, bir rəqəmdir... Təyyarədən paraşütlə tullanan ən yaşlı insan – çikaqolu Doroti Hoffnerin timsalında bunu aydın görmək olar.
104 yaşlı qadın İllinoys ştatının Ottava şəhərində 4 min 100 metr yüksəklikdən tullanma həyata keçirib. Onun cəsarətli kaskadyorluğunu nəzərə alaraq bəziləri Doroti Hoffnerin çox gənc yaşlarından paraşütlə tullanma ilə məşğul olduğunu düşünə bilər, lakin bu belə deyil. O, paraşütlə tullanmağa əslində 100 yaşı tamam olanda başlayıb. Məqsədi isə ən yaşlı insanın hündürlükdən tullanma rekordunu təzələmək olub.
Doroti Hoffnerin cəmi 7 dəqiqə davam edən tullanmadan sonra yerə toxunanda ilk sözü “Yaş, sadəcə, bir rəqəmdir” olub. Bu cəsarətli qadın indi “Ginnesin Rekordlar Kitabı”na düşməsini gözləyir.
Hoffnerin ambisiyası bununla bitmir – o, bu dəfə isti hava şarında səyahət etmək hazırlığı keçir.
L.AZAD
XQ