Filippinli qrafik rəssam Percival Lugue 5 yaşından bəri “McDonald’s”, “Burger King” və digər “fast-food” restoran şəbəkələrindən oyuncaq toplayır. 2014-cü ildən Ginnesin rekordlar kitabına adı düşmüş bu şəxsin 10 min oyuncağı var idi.
Hazırda 50 yaşı olan Luguenin evində döşəmədən tavana qədər yığılmış, təxminən, 20 min ədəd oyuncaq var. Rəssam oyuncaqlara olan marağı haqqında danışarkən deyib: “Oyuncaq toplamaq məndə hər hansı işdə uğur qazanmağım üçün stimul yaradır. Digər uşaqlar oyuncaqlarını sındıranda mən onları sərgiyə qoyurdum. Dostlarımı və ailəmi “fast-food” yeməyə dəvət edəndə onlar oyuncaqlara olan marağımı bildikləri üçün mənə onları hədiyyə gətirirlər”.
Daha çox elektrik oyuncaqlara marağının olduğunu deyən P.Lugue həmçinin bildirib: “Mənim üçün ən dəyərli oyuncaq 1988-ci ildə anamın hədiyyə etdiyi Jollibee zəncirindən tutacaqları olan “Hetty Spaghetti” adlanan heykəlcikdir.
Hazırda rəssamın ən böyük arzusu oyuncaq muzeyi açmaqdır.
F.SALMAN
XQ