Mərakeş hökuməti dörd ölkədən – İspaniya, Qətər, Böyük Britaniya və Birləşmiş Ərəb Əmirliklərindən ölkədə baş vermiş güclü zəlzələnin nəticələrini aradan qaldırmaq üçün kömək qəbul etməyə hazırdır. Bu barədə ölkənin Daxili İşlər Nazirliyindən bildirilib. Məlumatı “Anadolu” yayıb.
Məlumata görə, bu dörd ölkənin göndərdiyi qruplar mərakeşli həmkarları ilə birgə axtarış-xilasetmə işləri ilə məşğul olacaqlar.
Türkiyə də Mərakeşə dağıdıcı zəlzələnin nəticələrini aradan qaldırmaqda hər cür kömək göstərməyə hazır olduğunu bildirib. Bu barədə Türkiyə Prezidenti Rəcəb Tayyib Ərdoğan bəyan edib.
Paşa ƏMİRCANOV,
XQ