Beynəlxalq Kitabxana Assosiasiyaları və Müəssisələri Federasiyası Barselonadakı “Вiblioteca García Márquez”i 2023-cü ildə dünyanın ən yaxşı kitabxanası adlandırıb.

İspaniya mətbuatı yazır ki, Barse­lona kitabxanası şəhərin San-Marti rayonunda yerləşir və heyranedici memarlıq və innovativ dizaynı ilə fərqlənir. “Вiblioteca García Márqu­ez” İspaniyada beynəlxalq miqyasda tanınan ilk kitabxanadır. O, 2022-ci ilin may ayında açılmasına baxma­yaraq, hamını dərhal heyran etməyə nail olub. Açılış ilində kitabxana me­marlıq sahəsində Barselona şəhər mükafatına layiq görülüb və nəticələ­ri 2023-cü il oktyabrın 19-da məlum olacaq memarlıq və dizayn sahəsin­də FAD mükafatına iddialıdır.

Qeyd edək ki, “Вiblioteca García Márquez”in binası 6 mərtəbəlidir, sahəsi 4 min kvadratmetrdir, orta he­sabla gündə onu təxminən min oxucu ziyarət edir. Burada tez-tez konfrans­lar və dünyanın müxtəlif guşələrin­dən olan yazıçılarla görüşlər keçirilir.

Zülfiyyə ZİYA, “Xalq qəzeti”