Məşhur amerikalı alim Yujin Şumeyker “Shoemaker-Levy 9” kometini kəşf edənlərdən biridir.
O, Aya ayaq basan ilk geoloq olmalı idi. Təəssüf ki, səhhəti sağlığında Aya getməyə imkan vermədi. Bunun əvəzində Şumeyker “Apollon” missiyaları çərçivəsində Nil Armstronq və digər astronavtları uçuşa hazırlayıb.
1997-ci ildə naməlum zərbə kraterlərini axtarmaq üçün Avstraliyaya gedib və orada avtomobil qəzasında ölüb. Onun elmə verdiyi töhfələrə görə, NASA Şumeykerin külünü “Lunar Prospector” gəmisində Aya göndərib. Bu günə qədər Yujin Şumeyker Ayda dəfn edilən yeganə insan olaraq qalır.
P.ƏFƏNDİ, “Xalq qəzeti”