“Twitter” keçən həftə “X” olaraq yeniləndi və bununla da həm veb-saytdakı loqo, həm də smartfonlardakı tətbiq nişanları dəyişdi. Lakin istifadəçilər hələ də əvvəlki versiyada qalmaq istəyirlər. Belə ki, köhnə “Twitter” loqosu olan “iPhone” modelləri onlayn mağazalarda minlərlə dollara satılır.
Bəzi insanlar proqramı yeniləməkdən imtina edirlər. Bunun əvəzinə, onlar bu fürsətdən istifadə edərək “iPhone”larını “eBay”da köhnə “Twitter” loqosu ilə satışa çıxarırlar. Həmin “iPhone”ların qiyməti bir neçə min dollardan 25 min dollara qədər dəyişir. İstifadəçilər tərəfindən daha çox kolleksiya məqsədi ilə alınır.
Qeyd edək ki, artıq bir neçə min dollara satılmış “iPhone” modellərinə rast gəlmək mümkündür.
Aytən NƏCƏFOVA, “Xalq qəzeti”