“OpenAI” şirkətinin məşhur süni intellekt tətbiqi “ChatGPT” artıq android telefonlar üçün də əlçatandır. Belə ki, tətbiq “Google Play Store”da yerləşdirilib. Süni intellekt proqramı 100 mindən çox yüklənilib.
Android üçün “ChatGPT” proqramı ilk dəfə ABŞ, Hindistan, Banqladeş və Braziliyada istifadəyə verilib. “OpenAI”nin bəyanatına görə, bir neçə həftədən sonra digər ölkələrdə də yükləmək mümkün olacaq. Öncədən qeydiyyatdan keçmək artıq mövcuddur. “Play Store”da proqramın müxtəlif surətləri yerləşdirildiyi üçün rəsmi olmasına diqqət yetirmək lazımdır. Yükləmə tamamlandıqdan sonra daxil olaraq süni intellektlə söhbətə başlanılır.
Qeyd edək ki, “ChatGPT”nin iOS versiyası may ayında ictimaiyyətə təqdim edilib.
Əfsanə ƏHƏDLİ, “Xalq qəzeti”
.jfif)
