“Apple” şirkəti yeni proqram təqdim edir. Bu xidmətlə məhsulların müştərilərin evlərinə çatdırılacağı planlaşdırılır.
“Apple” öz mağazaları üçün yeni tətbiqi avqustun əvvəlində istifadəyə verəcək. “EasyPay”– onlayn sifariş adlanan bu xidmət mağazadan alış-veriş edən müştərilərə məhsullarını evlərinə çatdırmaq imkanı yaradacaq. Müştərilər məhsulları təkcə onlayn deyil, mağazadan almaq istədikdə də şirkət tərəfindən xüsusi olaraq evlərinə gətiriləcək.
Qeyd edək ki, şirkət “iPhone 15” seriyasının təqdimatından əvvəl bu proqramı işə salmaqla, yeni modellər tükəndiyi halda müştərilərə evə çatdırılma variantını təklif etməyi hədəfləyir.
Əfsanə ƏHƏDLİ, “Xalq qəzeti”