Braziliyada yerləşən təyyarə istehsalçısı “Embraer” şirkəti yeni “uçan taksi” layihəsi hazırlayıb. Bunun üçün zavod inşa ediləcəyi bildirilib.
Məlumata görə, hava taksiləri elektriklə işləyəcək və eniş üçün xüsusi zolağa ehtiyac olmayacaq. İlk uçuşlarda pilot iştirak edəcək, lakin sonradan özünüidarəedən taksilər fəaliyyət göstərəcək. Kiçik helikopteri xatırladacaq taksilərin xidmət haqqı bir nəfər üçün 50–100 dollar nəzərdə tutulub.
Zavodun Braziliyanın Taubate şəhərində 2026-cı ilə qədər tikilməsi planlaşdırılıb. “Uçan taksi”lər insanların sıx olduğu şəhərlərdə tıxacları azaltmağa kömək edəcək. Onun yükdaşıma üçün alternativ olduğu da qeyd edilib. Artıq 3 minə yaxın sifariş alındığı bildirib.
Əfsanə ƏHƏDLİ, “Xalq qəzeti”
