Harvard-Smitson Mərkəzinin və Şimali Arizona Universitetinin astro­nomları Andromeda qalaktikasında yerləşən və Volf-Rayet tipinə aid olan 19 qeyri-adi ulduz aşkar ediblər. 

Volf-Rayet (WR) ulduzları qeyri-adi spektrə malik, nadir heterogen qrupudur. Belə ulduzların spektrində əsasən ionlaş­mış helium, azot və ya karbonun geniş emissiya xətləri nəzərə çarpır. Bu ulduz­lar digərlərindən daha istidir və çox par­laqdır. İndiyədək bir neçə yüz belə ulduz aşkar edilmişdir ki, onların əksəriyyəti Süd Yolundadır. 

Yeni kəşf edilmiş WR-lər daha qırmı­zı olduqlarına görə, Andromeda Qalak­tikasındakı belə ulduzların məlum nü­munələrindən daha zəif olublar. 

Qeyd edilib ki, yeni kəşf edilmiş WR ulduzlarının böyük əksəriyyəti qeyri-kafi müşahidə həssaslığı səbəbindən ümu­mi qalaktika tədqiqatında aşkar edilmə­mişdi. Astronomlar əlavə ediblər ki, azot xətlərinin orta böyüklüyü əvvəllər məlum olanlarla müqayisədə 21-dir (əvvəlkilərdə bu göstərici 19,2 idi). Ulduzun ölçüsü nə qədər aşağıdırsa, o daha parlaqdır. 

P.ƏFƏNDİ, “Xalq qəzeti”