Prezident Vladimir Zelenski və Portuqaliyanın Baş naziri Antonio Kosta Ukraynanın Şimali Atlantika Alyansına üzvlük haqqında birgə bəyannamə qəbul ediblər.

Bu barədə RBK-Ukrayna prezidentin mətbuat xidmətinə istinadən xəbər verir.

Birgə bəyannamədə qeyd edilir ki, Portuqaliya Ukraynanı gələcək üzvlük yolunda dəstəkləməyə davam edəcək və "bunun üçün uyğun şərtlər yarandıqda" Ukraynanın NATO-ya üzv olmasının tərəfdarıdır.

Bəyannamədə deyilir: “Ukrayna və Portuqaliya bütün bu məsələlərin 2023-cü ilin iyulunda Vilnüsdə keçiriləcək NATO sammitində həllini gözləyir".

Eyni zamanda, bəyannamə ilə Portuqaliya Rusiyanın başlatdığı genişmiqyaslı müharibədə Ukraynanı dəstəklədiyini, onu müxtəlif formatlarda və təşkilatlarda dəstəkləməyə hazır olduğunu, habelə Kiyevin Avropa istəklərini tanıdığını təsdiqləyir.

Bundan əlavə, NATO çərçivəsində dövlət hərbi dəstəyini davam etdirir.

Portuqaliya da Ukraynanın Avropa Birliyinə daxil olmasını dəstəkləyir.

Sənəddə Portuqaliyanın baş naziri təsdiqləyib ki, Lissabon müharibədən sonra Ukrayna ərazilərinin yenidən qurulması və bərpasında iştirak etməyə hazırdır.

Beləliklə, artıq 23 ölkə Ukraynanın NATO-ya daxil olmasını dəstəkləyir.

S.ELAY,

"Xalq qəzeti"