Pekin G7 ölkələrini beynəlxalq nüvə tərksilah sistemini pozmaqda ittiham edib. Çin Xarici İşlər Nazirliyinin sözçüsü Vanq Venbin brifinq zamanı bildirib ki, G7 digər ölkələri digər ölkələrin nüvə siyasətinə görə tənqid edir, lakin özləri müqavilələri pozurlar. Bu barədə "RİA Novosti" məlumat yayıb.

“Böyük yeddilik özünü hakim hesab edərək, digər ölkələrin strateji təhlükəsizlik və silahlara nəzarət siyasətini özbaşına qiymətləndirir, eyni zamanda, nüvə silahının tərk edilməsi və nüvə silahının yayılmaması ilə bağlı beynəlxalq sistemi daima pozur". Çin Xarici İşlər Nazirliyi qeyd edib ki, məsələn, ABŞ silahlara nəzarət müqavilələrini daim pozur.

Bundan əvvəl məlumat verilmişdi ki, G7 ölkələrinin xarici işlər nazirləri nüvə silahının yayılmaması ilə bağlı bəyanat qəbul edərək, sənəddə Şimali Koreyanın sınaqları ilə bağlı problemləri qeyd ediblər. Onlar, həmçinin Çinin nüvə arsenalının genişləndirilməsi ilə bağlı narahatlıqlarını ifadə ediblər.

Rusiya Federasiya Şurasının Beynəlxalq əlaqələr komitəsi sədrinin birinci müavini Vladimir Cabarov G7-ni "ötən əsrin formatı" adlandırıb.

Rusiya Təhlükəsizlik Şurasının (SB) sədr müavini Dmitri Medvedev isə "Telegram" kanalında nüvə müharibəsinin qarşısını almaq çağırışlarından sonra G7-ni hiylədə ittiham edib. 

S.ELAY,

"Xalq qəzeti"