Hər zaman azad Qarabağa infoturlar təkil edən Qaçqınların və Məcburi Köçkünlərin İşləri üzrə Dövlət Komitəsinin bu dəfə ki üz tutduğu ünvan Şuşa və Laçın şəhərləridir. Komitənin təşkilatçılığı,Azərbaycan Respublikası Prezidentinin xüsusi nümayəndəliliklərininin dəstəyi ilə Böyük Qayıdışa dair I Dövlət Proqramının Tədbirlər Planının icrası çərçivəsində təşkil edilən infoturda müxtəlif peşə sahibləri iştirak ediblər.
XQ xəbər verir ki, infotur iştirakçıları Şuşa və Laçın şəhərləri ilə tanış olub, burada həyata keçirilən bərpa və quruculuq işləri, yaradılan məşğulluq imkanları barədə ətraflı məlumatlandırılıblar.
Bildirilib ki, Prezident İlham Əliyevin tapşırıqlarına əsasən, bu şəhərlərdə genişmiqyaslı yenidənqurma tədbirləri həyata keçirilir, infrastruktur bərpa olunur və burada yaşayan sakinlər üçün müasir şərait yaradılır. İnfotur çərçivəsində iştirakçılar Şuşa şəhərində tarixi və təbiət abidələri ziyarət edib, ora köçmüş ailələrin evlərinə qonaq olub, hədiyyələr təqdim ediblər. İştirakçılar həmçinin, Laçın rayonunda prezidentin xüsusi nümayəndəliyində qurumun rəsmiləri tərtəfindən qəbul edilib. Onlara müəssisələrin fəaliyyəti, iş şəraiti və əmək resurslarının idarə edilməsi prinsipləri barədə ətraflı məlumat verilib. Həmçinin, oraya köçmüş ailədə qonaq olublar. İnfotur iştirakçıları səfərin faydalı və maarifləndirici olduğunu qeyd ediblər. Böyük Qayıdışa dair I Dövlət Proqramının Tədbirlər Planı çərçivəsində işğaldan azad edilmiş digər ərazilərə də infoturların təşkili davam etdiriləcək.
Müşfiq Mirzə
XQ
