Azərbaycan Dövlət Akademik Opera və Balet Teatrının təşkilatçılığı ilə “Opera günləri” layihəsi çərçivəsində Azərbaycan Milli Xalça Muzeyində opera forumu keçirilib.

Tədbiri giriş nitqi ilə sənətşünaslıq üzrə fəlsəfə doktoru, Əməkdar mədəniyyət işçisi Səadət Təhmirəzqızı açıb. O, çıxışında milli musiqi mədəniyyətinin tərkib hissəsi kimi opera janrının xüsusi əhəmiyyətini vurğulayıb: “1908-ci ildə “Leyli və Məcnun” əsərində "Qərbi Avropa opera sənətini bizim qədim musiqi ənənələri ilə birləşdirməyə nail olub və bununla da təkcə Azərbaycan deyil, bütün Şərq aləmi üçün əhəmiyyətli olan unikal janrın əsasını qoyub”.

Forumda Azərbaycan Bəstəkarlar İttifaqının katibi, elmlər doktoru, dosent Leyla Zöhrabova məruzə ilə çıxış edib. “Üzeyir Hacıbəylinin “Leyli və Məcnun” əsərindən “Koroğlu” operasınadək təşəkkül yolu” mövzusunda olan məruzədə Azərbaycan opera sənətinin inkişafı təhlil olunub, bədii nailiyyətlər və konseptual dərinlik məsələləri önə çəkilib.

Forumun mövzusunu Azərbaycanın Əməkdar artisti, Azərbaycan Dövlət Akademik Opera və Balet Teatrının baş dirijoru, Bakı Musiqi Akademiyasının dosenti Əyyub Quliyev “Opera sənətində dirijorluq ənənələri” mövzusunda məruzə ilə davam etdirib. Maestro vurğulayıb ki, dirijor bütün tamaşaya cavabdehdir: o, təkcə orkestrə rəhbərlik etmir, həm də səhnə məşqlərində, o cümlədən işıqlandırma və səhnələşdirmə ilə iş prosesində iştirak edir. Hətta bir səhv jest bütün istehsalın ritmini və ya emosional əhvalını poza bilər.

Sonra sənətşünaslıq üzrə fəlsəfə doktoru, dosent Aytən Babayevanın “Firəngiz Əlizadənin “İntizar” operasında vətənpərvərliyin tərənnüm edilməsi” mövzusunda məruzəsi dinlənilib.

Forum sənətşünaslıq üzrə fəlsəfə doktoru, Əməkdar mədəniyyət işçisi Səadət Təhmirəzqızının çıxışı ilə yekunlaşıb. O, milli operanın formalaşma mərhələlərini və ölkənin mədəni kimliyinin formalaşmasında onun rolunu ətraflı əhatə edən “Azərbaycan opera sənətinin inkişafı” mövzusuna toxunub.

XQ