Dünya Bankının maliyyə dəstəyi ilə icra olunan “Məşğulluğa dəstək layihəsi” mövzusunda növbəti ictimai dinləmə Qubada keçirilib. Bu barədə Əmək və Əhalinin Sosial Müdafiəsi Nazirliyindən XQ-yə verilən xəbərdə deyilir.
Bildirilir ki, dinləmə layihə barədə məlumatı artırmaq, nəzərdə tutulmuş hədəf kateqoriyaları cəlb etmək məqsədi daşıyıb. İşaxtaran və işsizlərin iştirakı ilə keçirilən toplantıda layihənin hədəf və məqsədləri, əhatə dairəsi, icra zamanı ətraf mühit və sosial məsələlərə dair tələblər ətraflı şərh edilib. Öz biznesini qurmaq istəyənlərin bacarıqlarının inkişaf etdirilməsində proqramın rolu və əhəmiyyəti də vurğulanıb, müraciət və iştirak qaydaları diqqətə çatdırılıb.
İştirakçıları maraqlandıran suallar cavablandırılıb, işsiz və işaxtaran şəxslərə tövsiyələr verilib.
Z.BƏŞİRQIZI
XQ
.jpg)
