Xəbər verildiyi kimi, iyunun 9-da Sərhəd Qoşunlarının Lənkəran Sərhəd Dəstəsinin mayouru Baxış Baxışlı və əsgər Əli Nağıyev xidməti vəzifələrini icra edərkən ildırım vurması nəticəsində həlak olublar.
Bədbəxt hadisə nəticəsində həyatını itirmiş əsgəri Əli Nağıyevin hərbi xidmətə getdiyi Gəncə şəhərində yaşadığı ünvanda mərhumla vida mərasimi keçirilib. Sonra onun nəşi Şəhidlər xiyabanında torpağa tapşırılıb. Həlak olmuş əsgərin xatirəsinə yaylım atəşi açılıb, ruhuna dua oxunub.
Dəfn mərasimində Gəncə Şəhər İcra Hakimiyyətinin başçısı Niyazi Bayramov, şəhərin rəhbər işçiləri, ictimaiyyət nümayəndələri və mərhumun yaxınları iştirak ediblər.
Hamlet QASIMOV,
XQ-nin bölgə müxbiri
Həlak olmuş sərhədçi Gəncədə dəfn olundu
Sosial həyat
.jpg)