Bu il aprelin 18-də görkəmli muğam ustası, Xalq artisti, dünya şöhrətli Rəşid Behbudovun atası Məcid Behbudalı oğlu Behbudovun 151 yaşı tamam olur. Öz dövrünün məşhur xanəndəsi olmuş Məcid Behbudov 18 aprel 1873-cü ildə Şuşada anadan olub, 6 sentyabr 1945-ci ildə Qazaxda vəfat edib. 

Bununla bağlı Rəşid Behbudovun qızı Rəşi­də xanım “Fasebook” sosial şəbəkəsində xatır­latma edib. Rəşidə Behbudova babasını bu söz­lərlə yada salıb: “Klassik muğamlarımızın, xalq mahnılarımızın mahir bilicisi və təkrarsız ifaçısı Məcid Behbudovun musiqi mədəniyyətimizin qo­runub saxlanmasında və günümüzə qədər gəlib çıxmasında xidmətləri ölçüyəgəlməzdir. 

İngiltərənin məşhur THE GRAMOPHONE CO. LTD. şirkəti 1906-1920 illər ərzində böyük sənətkarın səsi ilə 40-dan artıq val buraxaraq dünyaya yaymışdı. Bu gün Böyük Britaniyanın Kral kitabxanasında Məcid Behbudovon səsi ya­zılmış 40 val qorunur.

Fransanın “Pate” şirkəti də Məcid Behbudovun səsi yazılmış onlarla val buraxmış və bunlar dün­yada geniş yayılmışdır. Şirkətin buraxdığı valların nüsxələri isə Fransa Milli kitabxanasında qorunur”.

Nəhayət, musiqi tarixçilərinin qənaətinə görə, böyük Üzeyir Hacıbəylinin dünyaşöhrətli “Arşın malçı”sının prototipi də Məcid Behbudov olub.

XQ