Mədəniyyət Nazirliyi yanında İctimai Şura Firidun bəy Köçərli adına Respublika Uşaq Kitabxanası ilə birgə “Azərbaycan uşaq ədəbiyyatı: uğurlar, qayğılar” mövzusunda ictimai müzakirə təşkil edib. 

Kitabxananın direktoru, Əməkdar mədəniyyət işçisi Şəhla Qənbərova qo­naqlara bilik məbədinin yaranma tarixi, inkişafı, mövcud fondu, şöbələri barədə geniş bilgi verib, uşaqların oxu mədə­niyətinin artırılması və onların həyatında kitabın rolu haqqında fiklirlərini bölüşüb.

Tədbirin aparıcısı, Mədəniyyət Nazir­liyi yanında İctimai Şuranın sədr müavi­ni, Milli Məclisin Mədəniyyət Komitəsinin eksperti Əkbər Qoşalı müzakirə olunan mövzu ilə bağlı aparılan dövlət siyasəti, görülən işlər və mövcud problemlərdən danışıb. O, çıxışında çağdaş uşaq əd­biyyatının janr problemlərindən söz açıb, qalib ölkənin uşaqları üçün ruhlandırıcı əsərlərin yazılması kimi məsələlərə toxu­nub.

Digər çıxışçılar – İctimai Şuranın sədr müavini Vüqar Qədirli, üzvlər –filologiya üzrə fəlsəfə doktoru, şair Adilə Nəzər, Samirə Mustafayeva, sənətşünaslıq üzrə fəlsəfə doktoru Ülviyyə Bəbirli, Xanoğlan Əhmədov uşaq oxusunun durumu, dün­ya uşaq ədəbiyyatından tərcümə prob­lemlərindən danışıblar.

Tanınmış şair, filologiya elmləri dok­toru, professor Zahid Xəlil, AMEA-nın Nizami adına Ədəbiyyat İnstitutunun Elmi katibi, filologiya üzrə fəlsəfə dokto­ru Aygün Bağırlı, Ədəbiyyat İnstitutunun “Uşaq ədəbiyyatı” şöbəsinin müdiri, filo­logiya elmləri doktoru Elnarə Akimova, uşaq yazıçısı, şair-tərcüməçi Sevinc Nu­ruqızı, Respublika Uşaq Kitabxanasının elmi işlər üzrə direktor müavini, Əməkdar Mədəniyyət işçisi, uşaq yazarı Zahirə Dadaşova, filologiya üzrə fəlsəfə doktor­ları, dosent Şöhrət Məmmədova, İlhamə Ağazadə və başqaları da mövzu ilə bağlı çıxış edib, təkliflər irəli sürüblər. 

Zərifə HÜSEYNOVA
XQ